Quasi jiddereen weess wat e Webmail ass, huet och sécher schonn op manst eng Kéier ee gebräucht. Se hu Virdeeler an Nodeeler, wéi eigentlech alles. Virdeeler: Et kënnt ee vun iwwerall op seng E-Mailen, och vun anere Computeren. An vu dass se meeschtens IMAP gebrauchen kann een esou guer seng Ordnerstruktur am Mail-Client um Computer an am Webmail tselwecht hunn. Nodeel: Wann ee vill am Dag mat Maile schafft an vill verschiddenes mécht an schéckt (html Mailen, grouss attachments, asw …) dann ass en richtege Mail-Client eigentlech ëmmer nach besser well e méi séier ass an besser ze gebrauchen ass als eenzelne Programm. Als éischt wär et interessant ze wëssen: Notzt dir Webmail?

Wann jo, oft, fir sérieux domat ze schaffen, oder just fir heinsto kuerz E-Mailen liesen ze goën? An och virun allem nach: Wat fir een ass et?

Et ginn der vill, och vill déi gratis an Open-Source sinn. Dee wuel am einfachsten ze installéieren ass den Squirrelmail, ganz bekannt ass och nach den Horde, oder een deen vill op Ajax setzt ass z.B. den roundcube. Mat wat fir engem hudd dir Erfahrunge gemaach, an wéieng wiren dat?

GMail loosse mer mol ewech an der ganzer Diskussioun well dee ka jo och just bei Google agesat ginn.

Lo vum allgemenge fort méi zum techneschen:

Sou gesinn ass en Webmail näischt anescht wéi en ganz normale Mail-Client deen awer als Web-Applikatioun op engem Server leeft. Dëst huet fir den User och erëm verschidden Vir- an Nodeeler. Als Beispill just nëmmen: En Webmail muss net d’ IP vum User matschécken, well eigentlech ass d’ Server-IP wou en drop leeft déi déi matgeschéckt ka ginn. (Obwuel ofhängeg vum Mailserver déi och ni kann matgeschéckt ginn). En Nodeel ass, dass d’ Verbindung wou Daten fléissen am Browser erstalt gëtt, an wann ee gewinnt ass seng E-Mailen iwwert eng verschlësselt Verbindung ze schécken, dann sollt fir e Webmail schonn SSL zur Verfügung stoen – wat awer ganz oft net de Fall ass. Oder och fir eng E-Mail ganz ze verschlësselen mat engem eegenen private Key an dann de public key matzeschécken ass an Webmailen net drann (Op allefall bis lo kee sou fonnt).

An lo eng nach läscht Fro: Huet schonn een eng Kéier probéiert selwer een ze schreiwen? Déi Erfahrung(en) kéinten och ganz interessant sinn.

Zu dem ganzen Thema kann een hei méi liesen: http://en.wikipedia.org/wiki/Binary_prefix

Als éischt hu mer den Zend Studio, deen an Tëschenzäit op Eclipse baséiert. Erof ze lueden kritt een deen hei: http://www.zend.com/en/products/studio/ Leider kascht deen eppes, an net wéineg (ongeféier 300€, fir Studenten 60% manner). Ech hunn déi läscht Méint mat deem programméiert. Wann een en Projet lokal entwéckelt, funktionéiert en relativ gutt, ofgesinn dovun dass Auto-complete Virschléi kéinte méi séier sinn, an allgemeng wierkt en oft relativ lues. Wat ech allerdéngs och wichteg fannen, ass dass ee kann e Projet enzwech op engem FTP Account direkt entwéckelen, an do ass den Zend Studio leider ganz schwaach. Oft wann een en opmécht, kritt een e Feeler dass de Projet Viewer net kann geluede ginn duerch e Feeler mam Fannen vun der FTP Verbindung, an och den normalen Editor kann dann net geluede ginn. Wann een dann en nei start, an et funktionéiert dann vläicht, kann et ganz gutt sinn dass en immens lues ass, soubaal een ufängt mat Tippen, komme keng Buchstawen, an et dauert puer Sekonne bis se opdäuchen. Dat gëtt och net wierklech besser. Villes hunn ech probéiert fir dat alles an de Grëff ze kréien, an et ass einfach net méiglech, de Problem ass äusserdeem op Windows an um Mac opgetrueden, genee tselwecht. Den alen Zend Studio, deen nach net op Eclipse baséiert huet, ass och oft net eens gi mat FTP Connections, heinsto beim Späicheren vun der Datei huet et éiweg gelueden, dann sot en beemol e kéint net späicheren, egal wéi oft een duerno probéiert huet, woubäi et mat aneren Dateien awer geet. Dann ass en Duergernee ginn, an d’Resultat war dass en Datei um Server ganz eidel gemaach huet. Kee flotte Feature.

Dann gëtt et Aptana: http://www.aptana.com/ wat een als Stand-alone kritt, mee och als Eclipse Plugin. Huet eigentlech alles wat ee brauch, mee trotzdem erëm baséiert op Eclipse. Heimat hunn ech selwer net vill probéiert well ech léiwer, no de Problemer mam Zend Studio, léiwer eppes ganz anescht wollt fannen, ouni Eclipse.

An dann gëtt et Netbeans: http://www.netbeans.org/ wat och bekannt ass fir Java ze entwéckelen. Et kritt een Netbeans och just fir PHP ewell. Gesäit um Ufank vläicht ellen aus, an Syntax Coloring ass och net all ze flott, menger Meenung op alle Fall. Mee dat kann ee jo alles ëmstellen. Schaffen mat FTP Connections ass hei bëssen speziell. Als éischt erstellt een en neien PHP Projet, mat lokaler Source. Duerno geet een an d’Astellunge vum Projet, an et setzt een als Remote Connection dann en FTP Account bäi. (Iwwer “Manage” kann een do direkt all gespäichert FTP Connections managen) Et ass hei esou, dass Dateien all lokal gespäichert ginn, an dann erop geluede ginn, wat natierlech, verglach mam Zend Studio, de Virdeel huet dass een e lokalen Backup ëmmer huet, zu all Zäitpunkt. Dann kann ee selwer souguer wielen wéini Dateien erop geluede ginn, beim Späicheren direkt, während dem Proggen (“on the run”), an manuell wou een dann iwwer Riets-klick op Datei se selwer erop lued. Alleng dass een dat hei alles astelle kann, fannen ech immens praktesch. An dann während dem Programméieren, mierkt een dass en e gutt Stéck méi flësseg leeft wéi de Zend Studio, den Auto-complete ass immens schnell. Allgemeng hat ech bis elo nach keng Problemer domat, an hunn deen soumat och nach am Gebräuch.

Et gëtt och nach Komodo, mee dozou kann ech am Moment net vill soen well ech en ni gebräucht hunn.

All IDE hei ass fir Windows, Mac an Linux ze kréien.

Domat déi Konditioun erfëllt ass gëtt den JavaScript-Code ab elo an externen Dateien ofgeluecht an déi Dateien mussen vun enger vertrauenswürdeger Quell oofstammen – mat enger Whitelist vergläichbar. Vu, dass den JavaScript-Code nun keen direkten Bestanddeel méi vun der Website ass gëtt deen angebetteten JSC guer net méi berücksichtegt. Compatibiliteitsproblemer sollen et keng ginn, och fir déi déi dësen Secherheetsmechanismus net asetzen wëllen. Et hunn sech schon vill Websäitenbedreiwer an Webbrowserentwéckler dem Projet ugeschloss.

Am Mozilla Wiki ënnert  Security/CSP kann een nach méi spezifesch Informatiounen iwwert dës Technik fannen.

Léif Gréiss,

Jan

Fir unzefänken well ech an dësem klengen Artikel kuerz erklären wat Adobe Flex ass an weieng Virdeeler dat Schaffen mat der Flash Plattform huet.

Wei grad gesot ass Flex en Bestanddeel vun der Flash Plattform. Am Detail ass Flex just en Open Source ActionScript Framework deen et engem Entwéckler erlaabt Applikatiounen ze schreiwen déi am Flash Player lafen oder mat der Adobe Air Runtime um Computer ugewisen ginn.

Doduerch dass dës programméiert Applikatiounen am Flash Player lafen huet een direkt eng Rei vun Virdeeler:

• 97% vun all Computer am Internet huet den Flash Player installéiert
• Och op GSM, PDA an mëttlerweil SetTop-Boxen
• Multimediafäheg (Video, Biller, Sound, etc…)

Dat bedeit dass een seng Applikatioun engem groussen Public kann ouni Problemer ubidden. Nach een, menger Meenung, wichtegen Virdeel dobäi ass:

• Applikatioun gesäit op all Computer, an all Browser, selwecht aus!

Fir elo esou eng Applikatioun ze programméieren brauch een, wei vill Leit et falsch verstinn, keen Flash Animateur ze sinn. Fir eng Flex Applikatioun ze schreiwen muss een ActionScript an MXML verstoen. Dobäi ass ActionScript genau wei JavaScript eng vum ECMAScript oofgeleedten Skript-Sprooch.

ActionScript ass eng Objektorienteiert Sprooch déi engem Entwéckler vill Fräiheeten ginn an et erlaben komplex an effektiv Design Patterns ze implementéieren.

Zousätzlech zum ActionScript huet Adobe eng Markup-Sprooch implementéiert woumadder een ActionScript-Objeten einfach wei HTML kann definéieren. Esou kennt dat Entwéckelen am Flex dem Webentwéckler ganz bekannt fir.

Hei en klengt Beispill wei een am Flex eng ComboBox definéiert:

<mx:ComboBox id=”Combo“>

<mx:dataProvider>

<mx:Array>

<mx:String>Select 1</mx:String>

<mx:String>Select 2</mx:String>

<mx:String>Select 3</mx:String>

</mx:Array>

</mx:dataProvider>

</mx:ComboBox>

Dest Beispill ass am MXML geschriwwen. Dat ganzt als ActionScript gierf esou ausgesinn:

var ArrayCombo : Array = new Array(‘Select 1′, ‘Select 2′, ‘Select 3′);

var Combo : ComboBox = new ComboBox();

Combo.dataProvider = ArrayCombo;

Et ass am Flex also méiglech seng visuell Komponenter entweder mat MXML oder ActionScript ze definéieren. Den Flex Compiler schreift awer alles wat MXML ass zréck an ActionScript. Also ass MXML just eng kleng Hëllef fir den visuellen Layout méi einfach an strukturéiert ze definéieren.

Aner wichteg an interessant Funktiounen an Features vun Flex sinn zB d’ Méiglechkeet Variabelen tëschent eenzel Komponenten ze verknüpfen déi sech ouni extra Code à jour halen kennen. Beispillsweis kann en Text changéiert ginn an all Komponent déi dësen Text uweist kritt déi Changementer direkt mat. Dat sougenannten „Binding“ ass en fundamentalen Feature am Flex deen, soubal verstanen net méi ignoréiert kann ginn.

Fir elo mat Adobe Flex ze starten brauch een net vill. Wann een et well maachen ouni Suen ze investéieren, dann geet et duer den Open Source Flex Compiler erof ze lueden an säin MXML/ActionScript am Notepad schreiwen. Oder et luet een sech den Adobe Flex Builder 3 erof. Deen baséiert op Eclipse an bitt all Virdeeler déi een vun enger gudder IDE erwuard. Déi drëtt Optioun ass den Flex 3 Plugin fir Eclipse. Den Flash Builder 3 an den Plugin fir Eclipse ginn et als Demoversioun (30 Deeg).

Ech hoffen an deenen nächsten Artikelen puer Beispiller oder Problemer unzeschwätzen an am Detail kleng Projeten virzestellen fir no ze programméieren.

Link: Adobe Flex – http://www.adobe.com/flex

Hei e Screenshot dovun fir all déi déi nach sollten Tango hunn:

iPhone MMS Settings Tango

Wat bis elo getest ass, ass folgendes:

- Vun Tango op VOX: Klappt
- Vun Tango op LuxGSM: Klappt
- Vun LuxGSM op LuxGSM: Klappt
- Vun Tango op Tango: Klappt
- Vun VOX op Tango: Klappt
- Vun LuxGSM op Tango: Klappt

Soubal mer méi wëssen, gëtt et natierlech hei geupdate. Wann s du et selwer eraus fonnt hues, looss eis et wëssen fir dass mer et kënnen der Welt weiderginn

[Update] Wisou verschiddener net ukommen (ëmmer bei Tango) wësse mer nach net, well schécken klappt op aner Netzer.

[Update2] De Proxy huet gefeelt bei Tango, fir se ze kréien, den Screenshot weist en, an sou klappt elo alles

E puer Facebook-Application Entwéckler hunn sech dru gesat, dësen Kalenner offline accessibel ze maachen. Eraus komm ass d’Applikatioun fbCal, déi een op sengem Facebook-Account installéieren muss. Hei muss een der Applikatioun verschidden Rechter ginn: Als éischt muss se kënnen op d’Profil zeréckgräifen, an sie muss offline kënnen funktionéieren. Dëst brauch een, fir den Kalenner mat dem jeeweilegen Programm synchroniséieren ze kënnen.

Wann dat bis geschitt ass kritt en ugewissen, wat een alles exportéieren kann, an welch Applikatiounen ënnerstëtzt ginn.

 
Hei muss een nëmmen nach den Kalenner uklicken, deen een lokal notzen well. Als läscht Etapp muss een dësen Kalenner nëmmen nach an sengem Client abauen, hei zB bei Mozilla Sunbird:

 
Als Location muss een natirlech “On the network” auswielen, an dann gëtt een opgefordert d’Adress vum Kalenner anzeginn. Dëst ass d’Adress, déi fbCal eis virdrun uginn huet. Elo kann een nach seng Faarw bestëmmen, an fäerdeg ass de Lack.

Och wann vill Informatiker net grad Microsoft-fan sinn, zemols Web-entwéckler déi den IE net ganz gäer hunn, kann ee sech froën ob dat de richtege Wee ass. En Betriibssystem ouni Browser (standardméisseg) ausliwweren, do feelt natierlech eppes. Dobäi bidd Microsoft ville vun deene Browser iwwerhaapt d’ Méiglechkeet ze bestoën, an dann gëtt deene selwer verbueden en komplette Package als Betriebssystem ze verkafen. Natierlech ass et méiglech, dass d’ PC-Hiersteller elo virum Verkaf all Firefox installéieren … mä ob dat wärt de Fall sinn, ass of ze waarden.