NetSphere

Schéint neit Joër 2010

Johny G — Sat, 02 Jan 2010 16:38:47 +0000

Majo och mir wënschen iech alleguer e schéint neit Joër! An mir hoffen demnächst bëssen méi aktiv kënnen ze ginn

Krëschtdags Videoen

Johny G — Thu, 24 Dec 2009 20:31:26 +0000

Alles guddes gewënscht vun eis, feiert all gutt.

An hei sinn nach e puer Videoen rondrem Krëschtdag, fir all eis Informatik-begeeschtert

An hei wéi een dat mécht:

(an btw: Mir hun geupdate op Wordpress 2.9 )

Samsung SSD awesomeness

Johny G — Thu, 22 Oct 2009 20:08:52 +0000

Dëse Video weist wat ee ka maachen mat Solid State Disken. Eigentlech sollten se Reklamm fir d’ SSDen maachen, an dun hat hieren Informatiker eng genial Idee: De Maximum vun SSD’en huelen an Raid draus maachen, fir dann ze weisen op wat fir eng Vitess ee ka kommen an wat domat herno méiglech ass am Betriebssystem. Hei ass de ganze Video:

An fir déi déi Détailer wëlle wëssen mee zum Schluss vum Video net wëllen all hallef Sekonn pausen, sin hei Screenshots vun all dem wat se do weisen nach:

WikiReader – D’Wëssen vun der Welt an der Täsch

Prometheus — Fri, 16 Oct 2009 15:54:25 +0000

Ech kann mech erënneren, dass ech nach bis ob 7ième méi oft an Bicher Saachen nogesicht hunn wei am Internet – loung wahrscheinlech dorunner dass d’Léierin an d’Proffen an der analoger Welt stoen bliwwen sinn. Wann ech awer Doheem wuar as den PC ugeheit ginn an dann gouf dorobber nogefuerscht. Haut sinn mär do ukomm, dass déi meeschten Teenager Saachen am World Wide Web nosichen, bzw. fir een ganzt spezifesch d’Beispill ze ginn: sie froen ganz einfach d’Wiki.

D’Wiki (Wikipedia) ass eng fräi Encyclopedie déi all Mënsch zu Verfügung steet. D’Wiki enthält méi wéi 3.000.000 Artikelen an ass domadder déi wahrscheinlechst gréissten Wëssensdatenbank ob der Welt. Obwuel hiren Ruff ëmstridden ass, ass et déi meescht benotzen Encyclopedie ob der Welt.

An Stell vun décken Bicher ze koafen oder duerch d’Géigend ze schleefen (Schülerinnen & Schüler) oder sech regelméisseg déi aktuellsten Encyclopedien ze koafen as dann sou eng virtuell Encyclopedie vun Virdeel. D’Wëssen stänneg bei sech an der Täsch ze hunn ouni nach extra Verbindungskäschten bezuelen ze mussen wuaren 2 Motivatiounen wisou d’Entwéckler vun WikiReader dësen Project gestart hun.

WikiReader as een klengen Device, deen mat 2 AAA Batterien 12 Méint laang kann bedriwwen ginn. Selectionéiert an gescrollt get mat Hëllef vun den Fangeren iwert een Touchscreen deen schwarz-weiss as an keng Hannergrondbeliichtung huet. 3 Knäppercher ënnert dem Display ronnen den WikiReader dann an der Usability oof: Search as fir d’Sich vun engem Artikel ; History weist beréits gesichten Artikelen un & Random proposeiert engem een durch Zoufall genereierten Artikel fir ze liesen. Virun allem ass et praktesch fir Kanner oder eeler Persounen, well kleng Kanner ganz oft net alleng ob den Internet däerfen an eeler Leit keen Computer an Internet hunn. Allerdings hätt een den WikiReader mat engem Fuarwdisplay an Hannergrondbeliichtung ausstatten kennen, well wann d’Foto’en – wann der firhanden sinn – an all schwarz-weiss sinn ass dat net dat Gielt vum Ee. D’Wikipedia Archiver (4-8 GB) sinn ob enger SD Kaart gespäichert déi ënnert den 2 Batterien agestach gëtt. Aktualiséierung vun den Archiver kann een sech entweder Heem schécken loosen (SD Kaart) oder sech se downloaden an dann selwer ob d’Kaart kopéieren.

Den WikiReader gëtt et fir 99$ bei Amazon ze koafen.

Allem an allem eng flott Saach fir Leit déi keen stännegen Zougrëff ob d’Wikipedia iwwert een Computer hunn.

Weider Informatiounen

Offiziell Website – The WikiReader
Wikipdia – WikiReader

Cactuskaart – Suite 3

Johny G — Fri, 16 Oct 2009 09:19:06 +0000

De Cactus huet d’ Funktioun elo erëm online gesat:

http://www.cactus.lu/page.asp?id=1139&langue=1

Allerdings gesäit een elo nach nëmmen d’ Punktenzuel. Keng perséinlech Donnéeën, an et kann och näischt änneren. Domat ass den CNPD (Contre national pour la protection des données) averstan, an et ass jo och eigentlech eng gutt Léisung. Et kann een zwar dann ëmmer nach sech aloggen mat engem anerer senger Nummer, mä alles wat ee gesäit ass eng Punktenzuel, woumat een Friemen näischt ufänke kann.

Cactuskaart – Suite 2

Johny G — Thu, 15 Oct 2009 21:02:52 +0000

De Michel (spellchecker.lu) huet sech, nodeems dass och schonn den Nekel als Kommentar beim éischten Post geschriwwen hat dass et sech wuel em en EAN-13 Barcode handelt, bëssen méi domat ausernee gesat fir sech déi Saach un ze kucken. An et ass him och gelongen, well déi läscht Ziffer ass eng Art Checksum vun deenen 12 éischten. Anescht gesot fënnt een déi eraus wann een déi aner huet – leider heescht dat, dass et fir e Programméirer nach manner Aarbecht ass fir all Zuelen duerch ze goen.

Hei ass e Wee wéi der et selwer testen kënnt: Maacht en Spreadsheet am Openoffice op an gidd an d’Feld M1 dës Formel an:

=CEILING((B1+D1+F1+H1+J1+L1)*3+(A1+C1+E1+G1+I1+K1);10)-((B1+D1+F1+H1+J1+L1)*3+(A1+C1+E1+G1+I1+K1))

An duerno gidd der an d’ Felder A1 bis L1 déi éischt 12 Zifferen un. Nodeems der am L1 déi 12. aginn hudd, gesidd der déi läscht dann automatesch.

Fir méi Detailer iwwert dee Barcode kënnt der z.B. nach hei weiderliesen: http://www.makebarcode.com/specs/ean_13.html

Cactuskaart – Suite

Johny G — Thu, 15 Oct 2009 15:54:04 +0000

Anscheinend huet de läschte Post jo sou muencher een interesséiert, och d’ Wort war drun interesséiert. Déi hun och beim Cactus nogefrot, an och ech krut eng Äntwert vum Cactus, eng relativ positiv. D’ Funktioun fir sech an ze loggen mat der Kaartennummer ass vum Site verschwonn. Se schéngen et also awer eecht ze huelen, wat ech, fir de Moment mol, berouegend fannen.

Ech wäert Iech hei up2date halen wann et Neiegkeete gëtt.

De Cactus huet et net sou mat Sécherheet…

Johny G — Tue, 13 Oct 2009 21:36:54 +0000

D’ Cactuskaart … all regelméissegen Client vum Cactus dierft ewell esou eng hunn. En huet en ganz normalem Barcode, den eng Nummer duerstellt. Wosst dir dann och, dass ee sech um Site vum Cactus mat der Nummer alogge kann, do seng Donnéeën ännere kann an säin aktuelle Punktestand gesäit? Dat geet hei:

http://www.cactus.lu/page.asp?id=1139&langue=1

An wat ass d’ Passwuert beim éischte Login? Vu dass ee keen esou eent uginn huet um Ufank wou een d’ Kaart krut, muss et jo eppes sinn wat de Client soss weess. An wéi soll et och anescht sinn, et ass d’ Nummer vun der Kaart selwer! Do fänkt et schonn emol ganz gutt un. Dann kënnt lo emol de Login:

Wann ee sech aloggt, gesäit een all seng perséinlech Donnéeën. Oftippen kënnen déi Leit och nach net (EMail Adress war uginn als …@photogem.cu … logesch!). Ass dës Säit geséchert? Nee natierlech net, geet net mat SSL, also onverschlësselt an ouni Sécherheet, dass de User deen ass fir den e sech aus gëtt, an ëmgedréint.

Lo hu mer d’ Nummeren mol méi genee ënnert d’Lupp geholl. Gidd mol är Cactuskaart sichen, egal ob eng grouss oder eng kleng. Geet Är Nummer och un mat 0407001 oder 0407000? Bei deene meeschte Leit déi mir befrot hunn, ass dat emol de Fall. D’ Nummer ass am ganzen 13 Stellen laang, wouvun also déi éischt 6 schonn fest bekannt sinn an déi 7. ass, sou wäit mer bis elo wëssen, nëmmen eng 0 oder 1. Bleiwen der nëmmen nach 6 iwwreg. Kontinuéierlech ginn dës zwar net verginn wéi et schéngt, mä trotzdem sinn et der nëmmen 6, wat an eisem Zäitalter mat eisen Computeren, quasi näischt méi ass. Et kann och sinn dass nach eng Art Checksum drann ass, an dem Fall gëtt et nach méi einfach. Sollt ee vun iech esou eppes eraus fannen, kann en et jo gäeren hei mattdeelen.

U wéivill perséinlech Donnéeën géif ee wuel kommen wann een do sech géif e klengen Script schreiwen den déi Nummeren duerchgeet? Wuel ganz vill.

An den nächsten Deeg kënnt vläicht nach e Blogpost no, wou ech beschreiwen wéi dat geet fir esou ee Script ze schreiwen den sou Donnéeën duerchtest, fir dass ee selwer weess wéieng Geforen bestinn an säin eegene System sécher genuch ka maachen.

http://www.cactus.lu/page.asp?id=1139&langue=1

An wat ass d’ Passwuert beim éischte Login…? Vu dass ee keen esou eent uginn huet um Ufank wou een d’ Kaart krut, muss et jo eppes sinn wat de Client soss weess. An wéi soll et och anescht sinn, et ass d’ Nummer vun der Kaart selwer! Do fänkt et schonn emol ganz gutt un. Dann kënnt lo emol de Login:

Wann ee sech aloggt, gesäit een all seng perséinlech Donnéeën. Oftippen kënnen déi Leit och nach net (EMail Adress war uginn als …@photogem.cu … logesch!). Numm, Adress, Telefonsnummer, E-Mail an Gebuertsdatum. Ass dës Säit geséchert? Nee natierlech net, geet net mat SSL, also onverschlësselt an ouni Sécherheet, dass de User deen ass fir den e sech aus gëtt, an ëmgedréint.

U wéivill perséinlech Donnéeën géif ee wuel kommen wann een do sech géif e klengen Script schreiwen den déi Nummeren duerchgeet? Wuel ganz vill.

Apple: Snow Leopard – eng mini kleng Verbesserung

Johny G — Sun, 30 Aug 2009 01:53:19 +0000

Säit dem 28.8. kritt een Snow Leopard, en Update fir Leopard ze kafen. Alles an allem sinn d’Updates virun allem ënnert der Hauf geschitt, d.h. grafesch ass net sou vill Ënnerscheed ze gesinn, en ass awer e gutt Stéck méi séier, a villen Hisiichten asw. Doriwwer kann een awer genuch noliesen um Internet. Eppes wat mir opgefall ass, eppes wat warscheinlech normal User komplett ignoréieren an ech awer wichteg fannen, ass dass och Apple, genee wéi et an de Linux Distributiounen schonn standard ass, endlech Bytes richteg ëmrechent an KB/MB/GB/TB. Et stëmmt nämlech NET dass 1KB = 1024Byte, well K steet jo hei fir kilo, wat 1000 bedeit, d.h. soulaang dës standard Bezeechnungen wéi Kilo, Mega, Giga, Tera gebraucht ginn, muss och streng gesinn mat 1000 gerechent ginn, net mat 1024 (mathematesch: Mat 10er Potenzen, net mat 2er Potenzen). An dat weist den Snow Leo och richteg un elo, well meng Tera-Disken ginn als 1TB ugewisen, net wéi virdrun iergendeppes an déi 900GB. Wann d’Zuelen sou wéi virdrun sollten ugewise ginn misst net hannendru stoen GB mee GiB.

Zu dem ganzen Thema kann een hei méi liesen: http://en.wikipedia.org/wiki/Binary_prefix

Apple a Sécherheet?

claude — Fri, 24 Jul 2009 17:52:52 +0000

Un eis iPhone-Missionaren: Hei zwou kleng Demonstratiounen, wisou Apple nach laang net un Firmen wéi Blackberry rukënnt, wann et ëm Entreprisen geet. Soulaang eis Kollegen vum Apel näämlech sech net mat Sécherheet a Verschlësselung këmmeren, ass den iPhone net fir vertraulech Daten ze benotzen.

Beweis gefälleg?

Du hues grad “Jo, mä” gesot?

Merci un den Mosqito fir den Tipp.